Friday , June 5 2020
Home / महत्वाच्या बातम्या / पनवेलमध्ये शिवजयंतीचा उदंड उत्साह

पनवेलमध्ये शिवजयंतीचा उदंड उत्साह

पनवेल : रामप्रहर वृत्त

हिंदवी स्वराज्याचे संस्थापक आणि महाराष्ट्राचे आराध्य दैवत छत्रपती शिवाजी महाराजांची जयंती मंगळवारी (दि. 19) पनवेलमध्ये महापालिकेच्या वतीने मोठ्या उत्साहात साजरी करण्यात आली. यानिमित्त काढण्यात आलेल्या मिरवणुकीत शिवप्रेमींनी मोठ्या संख्येने सहभाग घेऊन उत्स्फूर्त प्रतिसाद दिला. या वेळी सिडको अध्यक्ष तथा भाजप जिल्हाध्यक्ष आमदार प्रशांत ठाकूर यांची प्रमुख उपस्थिती लाभली.

या मिरवणुकीत महापौर कविता चौतमोल,  उपमहापौर विक्रांत पाटील, सभागृह नेते परेश ठाकूर, स्थायी समिती अध्यक्ष मनोहर म्हात्रे, भाजपचे जिल्हा सरचिटणीस श्रीनंद पटवर्धन, शहर अध्यक्ष जयंत पगडे, शिवसेनेचे जिल्हा सल्लागार बबन पाटील, आयुक्त गणेश देशमुख, आजी माजी नगरसेवक, नगरसेविका, पदाधिकारी, कार्यकर्ते आणि असंख्य शिवप्रेमी सहभागी झाले होते. शहरातील अश्वारूढ पुतळ्यापासून मिरवणुकीची सुरुवात होऊन आदर्श हॉटेल, लाईन आळी, गावदेवी पाडा, लोखंडी पाडा, परदेशी आळी, महापालिका इमारत, मुसलमान नाका येथून परिक्रमा करून टपाल नाका येथील शिवपुतळ्यापाशी मिरवणुकीची सांगता करण्यात आली. मिरवणुकीत चित्ररथ, लेझीम पथक यांनी लक्ष वेधले, तसेच ढोल-ताशा व बँड पथकेही सहभागी होती.

Check Also

वादळग्रस्त कोकणाला विशेष पॅकेज द्या!

विरोधी पक्षनेते प्रवीण दरेकर यांची मागणी अलिबाग ः प्रतिनिधी निसर्ग चक्रीवादळामुळे रायगड तसेच रत्नागिरी जिल्ह्यात …

Leave a Reply

Whatsapp