Tuesday , May 21 2019
Breaking News
Home / महत्वाच्या बातम्या / नेरूळ येथे सहा वाहनांची धडक

नेरूळ येथे सहा वाहनांची धडक

नवी मुंबई : प्रतिनिधी

सायन-पनवेल महामार्गावरील नेरूळ उड्डाणपुलावर सहा वाहनांची रविवारी (दि. 12) दुपारी एकमेकांना धडक बसली. सर्वात पुढे असलेल्या कार चालकाच्या चुकीने हा अपघात घडल्याचे बोलले जात आहे. यात कोणीही गंभीर झालेले नसले तरी वाहनांचे नुकसान झाले आहे.

रविवारी दुपारच्या सुमारास नेरूळ उड्डाणपुलावर मुंबईच्या दिशेने सुसाट जात असलेल्या कारचालकाने अचानक ब्रेक दाबला. त्याच लेनवरून मागून येणार्‍या कारचालकाने आपला वेग कमी करण्यासाठी गांगरून अचानक ब्रेक दाबला. मात्र या दुसर्‍या वाहनावर मागून येणार्‍या वाहनांना अंदाज न आल्याने एकामागोमाग एक अशी सहा वाहने एकमेकांवर आदळली. सर्वात पुढील वाहनचालक आपली चूक आहे हे लक्षात येताच पसार झाला. सुदैवाने यात कोणीही जखमी झालेले नसले तरी यात एकमेकांवर आदळलेल्या उर्वरित वाहनांचे नुकसान झाले. त्यामुळे काहीकाळ उड्डाणपुलावर वाहतूक कोंडी झाली होती.

Check Also

महामार्गावरील अतिक्रमण हटविण्यापूर्वी रहिवाशांचे पुनर्वसन करा ; नगरसेविका दर्शना भोईर यांची पालिकेकडे मागणी

पनवेल ः प्रतिनिधी पनवेल महानगरपालिकेतील रस्ता रूंदीकरण करताना झोपडपट्टीधारकांना  आणि दुकानांना हटवण्यापूर्वी त्यांचे योग्य ठिकाणी …

Leave a Reply

Whatsapp