Saturday , November 28 2020
Home / महत्वाच्या बातम्या / एमआयएम 74 जागा लढवणार

एमआयएम 74 जागा लढवणार

मुंबई ः प्रतिनिधी

वंचित आघाडीसोबतच्या आघाडीत बिघाडी झाल्यानंतर एमआयएम आता राज्यात स्वबळावर निवडणूक लढवणार आहेत. एमआयएमचे प्रदेशाध्यक्ष खासदार इम्तियाज जलिल यांनी पत्रकार परिषदेत ही माहिती दिली. एमआयएमने 74 जागांवर लक्ष केंद्रीत केले असून उमेदवारांच्या मुलाखती सुरू करण्यात आली असल्याची माहिती त्यांनी दिली.

औरंगाबादमध्ये मंगळवारी (दि. 10) मालेगाव, बडगाव, भोकर, नांदेड मतदारसंघातील उमेदवारांच्या मुलाखती घेण्यात आल्याची माहिती जलिल यांनी दिली. टप्प्याटप्याने इतर मतदारसंघातील उमेदवारांच्या मुलाखती होणार असल्याचे त्यांनी सांगितले. आता कोणासोबत युती नसल्यामुळे किती जागांवर उमेदवार लढवायचे यावर बंधन नसल्याचे त्यांनी सांगितले, मात्र सध्या एमआयएम 74 जागांवर निवडणूक लढवण्याची तयारी करत असल्याची माहिती त्यांनी दिली. एमआयएमसोबत दलित मराठा आणि ओबीसी समाज असल्याचा दावा त्यांनी केला. दलित समाज किंवा अन्य कोणत्या समाजावर एका पक्षाचे वर्चस्व आहे. हे कोणी समजू नये, असेही जलिल यांनी म्हटले. वंचित बहुजन आघाडीसोबत एमआयएमची आघाडी झालेली नसल्याने अनेक पक्षातील नेत्यांनी एमआयएमशी उमेदवारीशी संपर्क करीत असल्याची माहिती खासदार जलील यांनी दिली. वंचित बहुजन आघाडी आणि एमआयएम यांनी लोकसभा निवडणूक एकत्र लढवली होती. त्यावेळी या आघाडीला लक्षणीय मतदान झाले होते. तर, इम्तियाज जलिल निवडूनदेखील आले होते. त्यानंतर विधानसभा निवडणुकीच्या जागा वाटपावरून एमआयएम वंचित बहुजन आघाडीसोबत लढणार नसल्याचे जलिल यांनी जाहीर केले होते. त्यानंतर मंगळवारी एमआयएमने राज्यात स्वबळावर निवडणूक लढवण्याचे जाहीर केले.

मला खलनायक ठरवण्याचा प्रयत्न

वंचित बहुजन आघाडीसोबत काडीमोड झाल्यानंतर आपल्याला खलनायक ठरवण्याचा प्रयत्न करण्यात आला असल्याचे खासदार इम्तियाज जलिल यांनी म्हटले. राज्यातील निवडणुकीबाबत पक्ष अध्यक्ष असदुद्दीन ओवेसी यांच्याशी चर्चा करुनच निर्णय घेण्यात आला होता. वंचित आघाडीचे प्रमुख बाळासाहेब आंबेडकर यांनी एमआयएमसोबत चर्चा सुरू असल्याचे म्हटले, मात्र, एमआयएमच्या कोणत्या नेत्यासोबत चर्चा सुरू आहे हे त्यांनी सांगावे, असे आव्हानही जलिल यांनी दिले.

Check Also

गतिमान वाटचाल कोकणाची

कोकण महसूल विभागात ठाणे, पालघर, रायगड, रत्नागिरी आणि सिंधुदुर्ग जिल्ह्यांचा समावेश आहे. प्रत्येक जिल्ह्याचे स्वतंत्र …

Leave a Reply

Whatsapp