Saturday , November 28 2020
Home / महत्वाच्या बातम्या / पनवेल-उरण / बंगाली मिठाईला खवय्यांची पसंती

बंगाली मिठाईला खवय्यांची पसंती

पनवेल : बातमीदार

गणरायाची आराधना करताना नैवद्य म्हणून मोदकांप्रमाणेच बंगाली मिठायांचा वापर करण्याचे प्रमाण गणेशोत्सवात वाढले आहे. या बंगाली मिठाईचे भाव 10 टक्क्यांनी वाढले आहे. या मिठायांमध्ये सुका मेवा, वेगवेगळे फ्लेवर्स, पेढ्यापासून काजुकतलीपर्यंत विविध प्रकार बाजारात उपलब्ध झाले आहेत. त्याचप्रमाणे बंगाली मिठाईही ग्राहकांच्या पसंतीस उतरत आहे.

गणपतीचे आवडते खाद्य मोदक दरवर्षी गणेशोत्सवात मराठमोळ्या घरांमध्ये उकडीचे किवा तळणीचे मोदक होतात. पण आता तयार मोदकांकडे कल वाढू लागला आहे. चॉकलेट, मावा, सुका मेवा अशा पदार्थांपासून केलेल्या मोदकांनाही पसंती मिळत आहे. बंगाली मिठाईही त्यात ग्राहकांना आवडू लागली आहे. मोदकांबरोबरच मोतीचूर लाडू, कंदी पेढा, बागडी पेढा आदी प्रकार बाजारात उपलब्ध आहेत. या मिठाईलाही ग्राहकांची पसंती आहे. केशरी मावा मोदक, काजू मोदक, अंजीर किंवा बटरस्कॉच मोदक, कंदी मावा मोदक आदी प्रकारही विक्रेत्यांकडे उपलब्ध आहे. 400 ते 800 रुपये किलो दराने ते बाजारात उपलब्ध आहेत. मलाई मोदकांमध्ये पिस्ता, स्टॉबेरी, अंजीर, रोज फ्लेवर्स आहेत. काजू मोदकांमध्ये काजूसोबत केशर, केवडा, गुलाब, खस यांचे अर्क मिसळलेले आहेत. हे मोदक 800 ते 1000 रुपये किलो दराने मिळत आहेत. साखर आणि गुळाच्या किंमतीत वाढ झाल्याने तसेच वाहतुकीच्या खर्चामुळे यंदा मिठाईच्या किंमतीत दहा टक्क्यांनी वाढ झाली आहे, असे विक्रेत्यांनी सांगितले.

Check Also

गतिमान वाटचाल कोकणाची

कोकण महसूल विभागात ठाणे, पालघर, रायगड, रत्नागिरी आणि सिंधुदुर्ग जिल्ह्यांचा समावेश आहे. प्रत्येक जिल्ह्याचे स्वतंत्र …

Leave a Reply

Whatsapp