RamPrahar – The Navi Mumbai News Paper

कर्जत : प्रतिनिधी

तालुक्यातील नऊ ग्रामपंचायतींच्या सार्वत्रिक निवडणूका 15 जानेवारीला घेण्यात आल्या, मात्र सरपंच पदाचे आरक्षण जाहीर करण्यात आले नव्हते. गुरुवारी (दि. 21) निवडणूका झालेल्या व अन्य अशा एकूण 53 ग्रामपंचायतींच्या सरपंच पदाची आरक्षण सोडत काढण्यात आली. या वेळी  अनेक नवनिर्वाचित सदस्यांनी सोडतीला हरकत घेतल्याचे पहायला मिळाले ते या संदर्भात जिल्हाधिकार्‍यांकडे दाद मागणार असल्याचे सांगण्यात आले. रायगडच्या जिल्हाधिकार्‍यांच्या आदेशानुसार कर्जत प्रांताधिकारी वैशाली परदेशी आणि तहसीलदार विक्रम देशमुख यांच्या मार्गदर्शनाखाली गुरुवारी काढण्यात आलेल्या या आरक्षण सोडतीमध्ये प्रथम लोकसंख्येनुसार एस.सीसाठी कर्जत तालुक्यातील रजपे आणि बीड बुद्रुक ग्रामपंचायतीचे सरपंच पद आरक्षित करण्यात आले. त्यानंतर ज्या 16 ग्रामपंचायतींमध्ये आतापर्यंत अनुसूचित जमाती महिला आरक्षण पडले नाही, त्यांचे लहान मुलीकडून चिठ्ठ्या काढून आरक्षण करण्यात आले. त्यानंतर नागरिकांचा मागास प्रवर्ग महिला, व नागरिकांचा मागास प्रवर्ग खुला अशा प्रकारे सोडत काढण्यात आली. उरलेल्या 21 ग्रामपंचायतीमधून नेरळ आणि वैजनाथ ग्रामपंचायत सर्वसाधारण महिलासाठी आरक्षित करण्यात आल्या आणि त्यानंतर नऊ ग्रामपंचायती सर्वसाधारण महिलांसाठी तर उलेलेल्या ग्रामपंचायती सर्वसाधारण प्रवर्गासाठी आरक्षित करण्यात आल्या.

15 जानेवारीला निवडणूक

झालेल्या ग्रामपंचायतींच्या

सरपंचपदांचे आरक्षण

1) पोशीर : सर्वसाधारण महिला

2) सालोख तर्फे वरेडी : सर्वसाधारण महिला

3) जिते : अनुसूचित जमाती महिला

4) कोल्हारे : ना. मा. प्र. खुला

5) दामात : सर्वसाधारण पुरुष

6) हुमगाव : अनुसूचित जमाती पुरुष

7) कडाव : ना. मा. प्र. पुरुष

8) भिवपुरी : अनुसूचित जमाती महिला

9) वैजनाथ : सर्वसाधारण- महिला

माणगावमध्ये कही खुशी, कही गम!

माणगाव : प्रतिनिधी

तालुक्यातील 74 ग्रामपंचायतींच्या सरपंच पदासाठी गुरुवारी (दि. 21) माणगावच्या प्रशासकीय भवन सभागृहात उपविभागीय अधिकारी प्रशाली जाधव दिघावकर आणि तहसीलदार मैनाक घोष यांच्या उपस्थितीत आरक्षण सोडत काढण्यात आली.

अनुसूचित जाती प्रवर्ग : करंबेळी व पानसई,

अनुसूचित जाती महिला प्रवर्ग : नांदवी व काकल,

अनुसूचित जमाती खुला प्रवर्ग : गांगवली, कोस्ते खुर्द, रातवड, मुठवली,

अनुसूचित जमाती महिला  :  भागाड, निळज, पोटणेर,

नागरिकांचा मागास प्रवर्ग ़: अम्बर्ले, भाले, गोवेले, होडगाव, पळसप, पाटणूस, कुमशेत, डोंगरोली, शिरसाड, गोरेगाव

नागरिकांचा मागास महिला : मंगरूळ, वावेदिवाळी, पळसगाव बु., जिते, टोळ खुर्द, तळेगाव तर्फे गोरेगाव, निजामपूर, रवाळजे, लाखपाले, वडगाव,

सर्वसाधारण खुला प्रवर्ग : साले, लोणशी, वारक, दहिवली कोंड, साळवे, सुरव तर्फे तळे, पन्हळघर खुर्द, लोणेरे, पन्हळघर बु., पेण तर्फे तळे, साजे, वडवली, खरवली, देवळी, भुवन, मांजरवणे, चिंचवली, नागाव, न्हावे, शिरवली, मोर्बा,

सर्वसाधारण महिला प्रवर्ग : सणसवाडी, कडापे, विहूले, दाखणे, हरकोल, देगाव, साई, कवीलवहाल बु., बामणोली, चांदोरे, पुरार, पहेल, वणीमलई कोंड, उणेगाव, दहिवली तर्फे गोवेले, कुंभे, मढेगाव, फलाणी, टेमपाले, वरची वाडी, विळे, तळाशेत.

सरपंच पदाच्या सोडतीच्यावेळी विविध राजकीय पक्षाचे पदाधिकारी व कार्यकर्ते, विविध ग्रामपंचायतींचे सरपंच, उपसरपंच, सदस्य उपस्थित होते.

पेणमध्ये विविध प्रवर्गांतील उमेदवारांना संधी

पेण : प्रतिनिधी

तालुक्यातील 64 ग्रामपंचायतीच्या सरपंच पदासाठीचे आरक्षण गुरुवारी सोडत पद्धतीने करण्यात आले. प्रांताधिकारी विठ्ठल इनामदार यांच्या अध्यक्षतेखाली झालेल्या या कार्यक्रमास तहसीलदार अरुणा जाधव, नायब तहसीलदार धनंजय कांबळे, प्रमोद जाधव आदींसह विविध राजकीय पक्षांचे पदाधिकारी, सरपंच, कार्यकर्ते उपस्थित होते. या वेळी शालेय विद्यार्थी सुबोध घरत याच्या हस्ते चिठ्ठ्या काढून आरक्षण सोडतीचा निकाल जाहीर करण्यात आला.

अनुसुचित जाती महिला : गागोदे खुर्द,

अनुसुचित जमाती महिला : सापोली, आंबिवली, आंबेघर, शेडाशी, करंबेली, बोरगाव व कोपर

अनुसुचित जमाती खुला प्रवर्ग : वरवणे, रोडे, जिते, कामार्ली, पाटणोली, वाशिवली, शिहू

नागरिकांचा मागास प्रवर्ग महिला : काराव, दुष्मी, जोहे, कुहीरे, कासू, महलमिर्‍या डोंगर, दादर, जिते

नागरिकांचा मागास प्रवर्ग खुला : खारपाले, सावरसई, निधवली, करोटी, झोतिरपाडा, डोलवी, कोप्रोली, कांदळे, कोलेटी 

सर्वसाधारण महिला प्रवर्ग :  जावळी, कणे, खरोशी, निगडे, काळेश्री, दीव, बोर्झे, मूढांणी, वारसई, मलेघर, वडखळ, पाबळ, तरणखोप, बेणसे, बळवली आणि बोरी

सर्वसाधारण खुला प्रवर्ग : दुरशेत, शिर्की, वाकरुळ, रावे, वाशी, मसदबुद्रुक, वरेडी, आमटेम, सोनखार, उंबर्डे, अंतोरे, वरप, हमरापूर, बेलवडे बुद्रुक, वढाव, कळवे