आरोग्य महाशिबिराचा 10,500हून अधिक जणांना लाभ

लोकनेते रामशेठ ठाकूर, आमदार प्रशांत ठाकूर व सहकारी सातत्याने समाजसेवा करताहेत -ना. रवींद्र चव्हाण

पनवेल ः हरेश साठे

प्रथा आणि परंपरेने सर्व समाजाची सातत्याने निस्वार्थीपणे सेवा करण्याचे काम माजी खासदार लोकनेते रामशेठ ठाकूर, आमदार प्रशांत ठाकूर, त्यांचे सहकारी आणि पक्ष करीत आहे, असे गौरवोद्गार राज्याचे सार्वजनिक बांधकाम आणि अन्न व नागरी पुरवठामंत्री रवींद्र चव्हाण यांनी रविवारी (दि. 16) खांदा कॉलनी येथे काढले. उत्साहपूर्ण वातावरणात झालेल्या या महाशिबिराचा तब्बल 10 हजार 500हून अधिक नागरिकांनी लाभ घेतला. देशाचे लोकप्रिय पंतप्रधान नरेंद्र मोदी यांचा जन्मदिवस ते राष्ट्रपिता महात्मा गांधी जयंती या सेवा पंधरवड्यानिमित्त भारतीय जनता पक्षाच्या वतीने विविध समाजोपयोगी उपक्रम राबविण्यात आले. या अंतर्गत श्री. रामशेठ ठाकूर सामाजिक मंडळ पनवेल, भाजप पनवेल आणि रायगड मेडिकल असोसिएशन यांच्या संयुक्त विद्यमाने खांदा कॉलनीमधील सीकेटी महाविद्यालयात 13वे मोफत आरोग्य तपासणी व औषधपचार वाटप महाशिबिर झाले. या महाशिबिराचे उद्घाटन मंत्री रवींद्र चव्हाण यांच्या हस्ते आणि माजी खासदार लोकनेते रामशेठ ठाकूर यांच्या अध्यक्षतेखाली तसेच भाजपचे रायगड जिल्हाध्यक्ष आमदार प्रशांत ठाकूर, आमदार महेश बालदी यांच्यासह इतर लोकप्रतिनिधींच्या प्रमुख उपस्थितीत झाले. त्या वेळी ना. चव्हाण बोलत होते. या महाशिबिरास प्रमुख मान्यवर म्हणून सुप्रसिद्ध डॉ. गिरीश गुणे, डॉ. समीर सहस्त्रबुद्धे तसेच श्री. रामशेठ ठाकूर सामाजिक विकास मंडळाचे उपाध्यक्ष व भाजपचे तालुकाध्यक्ष अरुणशेठ भगत, सचिव परेश ठाकूर, ज्येष्ठ नेते वाय. टी. देशमुख, माजी महापौर डॉ. कविता चौतमोल, रायगड जिल्हा संघटन सरचिटणीस अविनाश कोळी, पनवेल शहर अध्यक्ष जयंत पगडे, जिल्हा उपाध्यक्ष प्रल्हाद केणी, तालुका उपाध्यक्ष संजय पाटील, सरचिटणीस राजेंद्र पाटील, ज्येष्ठ नेते श्रीनंद पटवर्धन, युवा नेते विनोद साबळे, रायगड मेडिकल असोसिएशनचे अध्यक्ष डॉ. आदेश पाथरे, माजी उपमहापौर चारुशीला घरत, सीताताई पाटील, भाजप खारघर अध्यक्ष ब्रिजेश पटेल, कामोठे अध्यक्ष रवींद्र जोशी, कळंबोली अध्यक्ष रविनाथ पाटील, महिला मोर्चाच्या तालुकाध्यक्ष रत्नप्रभा घरत, शहर अध्यक्ष वर्षा नाईक, माजी नगरसेवक अनिल भगत, नितीन पाटील, हरेश केणी, डॉ. अरुणकुमार भगत, मनोज भुजबळ, प्रकाश बिनेदार, मनोहर म्हात्रे, बबन मुकादम, संदीप पाटील, तेजस कांडपिळे, अजय बहिरा, विजय चिपळेकर, राजू सोनी, प्रवीण पाटील, शत्रुघ्न काकडे, अमर पाटील, मुकीत काझी, निलेश बाविस्कर, नरेश ठाकूर, प्रभाकर बहिरा, माजी नगरसेविका सुशीला घरत, दर्शना भोईर, वृषाली वाघमारे, राजेश्री वावेकर, नीता माळी, कुसुम म्हात्रे, प्रमिला पाटील, मोनिका महानवर, कल्पना ठाकूर, हेमलता म्हात्रे, माजी जि.प. सदस्य अमित जाधव, माजी पं. स. सदस्य भूपेंद्र पाटील, राज पाटील, ओबीसी सेलचे जिल्हाध्यक्ष राजेश गायकर, सरचिटणीस दशरथ म्हात्रे, युवा मोर्चाचे जिल्हाध्यक्ष मयुरेश नेतकर, तालुकाध्यक्ष आनंद ढवळे, शहराध्यक्ष रोहित जगताप, सांस्कृतिक सेलचे जिल्हा संयोजक अभिषेक पटवर्धन, शशिकांत शेळके, अल्पसंख्याक सेलचे प्रदेश सचिव मन्सूर पटेल, डॉ. संतोष आगलावे, डॉ. कृष्णा देसाई यांच्यासह पदाधिकारी, कार्यकर्ते, सामाजिक संस्थांचे पदाधिकारी आणि नागरिक उपस्थित होते.  मंत्री रवींद्र चव्हाण यांनी पुढे बोलताना सांगितले की, गेली अनेक वर्षे पनवेल व आजूबाजूच्या परिसरातील नागरिकांची सेवा सातत्याने भव्य अशा या आरोग्य महाशिबिरातून केली जात आहे. हजारो रुग्ण या महाशिबिराचा लाभ घेत असतात. सर्वच प्रकारच्या आजारांवर या ठिकाणी उपचार आणि औषधोपचार केले जात आहे. लोकनेते रामशेठ ठाकूर दानशूर व्यक्तिमत्त्व आहेत. येथील नागरिकांना काय हवे आहे याची जाणीव ठेवत सामाजिक बांधिलकीने त्यांच्या नेतृत्वाखाली कार्य केले जात आहे. देशाचे लोकप्रिय पंतप्रधान नरेंद्र मोदी यांच्या नेतृत्वाखाली जेव्हापासून सरकार आले त्यापासून गरीब मध्यमवर्गीय नागरिकांना आरोग्य व्यवस्था देण्याचे काम होत आहे. त्या अंतर्गत आयुष्यमान भारत योजनेचा लाभ कोट्यवधी नागरिक घेत आहेत. त्याचबरोबर राज्यात महात्मा फुले जीवनदायी आरोग्य योजना आणि इतर योजना, सुविधा उपलब्ध करून देत आयुष्याला मदत देण्याचे काम होत आहे. या महाशिबिरात फक्त सर्वसाधारण रोगांवर नाही तर कॅन्सर, हृदयविकार, नेत्र तपासणी, महिला व लहान मुलांचे आजार, दिव्यांगांना व्हीलचेअर, हात किंवा पाय नसलेल्यांना जयपूर फूट असे विविध आरोग्यदायी सेवा होत असून नागरिकांना ही सेवा संपूर्ण मोफत देण्याचे काम लोकनेते रामशेठ ठाकूर, आमदार प्रशांत ठाकूर, आमदार महेश बालदी व त्यांचे सहकारी करीत आहेत. त्यामुळे हे फक्त महाशिबिर नसून सेवेचा अखंड महायज्ञ आहे, असेही ना. रवींद्र चव्हाण यांनी अधोरेखित केले. त्याचबरोबर त्यांनी या वेळी महाशिबिराची पाहणी करून आढावा घेतला आणि अत्यंत उत्कृष्ट नियोजन असल्याची पोचपावती दिली. दरवर्षी भव्य स्वरूपात हे महाशिबिर होत असते. किमान 10 हजार नागरिक या शिबिराचा लाभ घेत असतात. विशेष म्हणजे या शिबिरात असाध्य आजारांवही उपचार केले जाते. शिबिर यशस्वी करण्यासाठी विविध रुग्णालयांचे डॉक्टर व त्यांचे सहकारी, पदाधिकारी, कार्यकर्ते, स्वयंसेवक, समाजसेवक मेहनत घेत असतात. त्यामुळे त्यांच्याप्रती लोकनेते रामशेठ ठाकूर यांनी आपल्या अध्यक्षीय भाषणातून आदर व्यक्त केला. सार्वजनिक बांधकाममंत्री रवींद्र चव्हाण यांचे रायगड जिल्ह्यावर विशेष प्रेम आहे. त्याचप्रमाणे पंतप्रधान नरेंद्र मोदी, मुख्यमंत्री एकनाथ शिंदे, उपमुख्यमंत्री देवेंद्र फडणवीस यांचे आपल्या जिल्ह्यावर प्रेम आहे, असेही लोकनेते रामशेठ ठाकूर यांनी आवर्जून नमूद केले. या महाशिबिराचा 10 हजार 500हून अधिक नागरिकांनी लाभ घेतला. त्यांना मोफत आरोग्य तपासणी आणि औषधोपचार देण्याबरोबरच भोजन व्यवस्थाही करण्यात आली होती. त्यासाठी शेकडो स्वयंसेवक तसेच कार्यकर्ते सज्ज होते. या महाशिबिरात सर्वसाधारण रोग, महिलांचे आजार, हृदयरोग, हाडांचे रोग, मधुमेह, आयुर्वेदिक, होमिओपॅथिक, बालरोग, त्वचा व गुप्तरोग तपासणी,  दंतरोग तपासणी, नाक-कान-घसा, सर्व प्रकारच्या रक्त तपासण्या, ईसीजी तपासणी, कॅन्सर तपासणी, क्षयरोग तपासणी आणि औषधोपचार मोफत देण्यात आले. त्याचबरोबर 0 ते 18 वयोगटापर्यंत 2डी इको तपासणी आणि हृदय शस्त्रक्रिया, डोळ्यांची तपासणी व चष्मे वाटप तसेच अपंगांना तीनचाकी सायकल वाटप, कर्णबधिरांना श्रवणयंत्र, देण्याबरोबरच मोफत कृत्रिम हात व पाय अर्थात जयपूर फूट बसविण्याचे शिबिरही झाले. या वेळी आयुष्यमान भारत डिजिटल कार्डसुद्धा तयार करून देण्यात आले. त्याचप्रमाणे हृदयविकाराच्या झटक्यावर प्राथमिक उपचार करण्यासंदर्भात प्रात्यक्षिकांसह मार्गदर्शनही या वेळी रोटरी क्लब डिस्ट्रिक्ट 3131च्या माध्यमातून करण्यात आले. महाशिबिरात साधू वासवानी मिशन पुणे, लक्ष्मी आय इन्स्टिट्यूट, एमजीएम हॉस्पिटल कामोठे व कळंबोली, डॉ. डी. वाय. पाटील हॉस्पिटल नेरूळ, भारती विद्यापीठ खारघर, तेरणा मेडिकल कॉलेज नेरूळ, येरळा मेडिकल ट्रस्ट, साईट फर्स्ट केअर, नायर हॉस्पिटल, व्हिट सेंटर, शंकरा आय हॉस्पिटल, अपोलो हॉस्पिटल, टाटा कॅन्सर हॉस्पिटल परळ, सत्यसाई संजिवनी हॉस्पिटल खारघर, शुश्रूषा हॉस्पिटल पनवेल या नामांकित वैद्यकीय संस्थांचा सहभाग होता. महाशिबिर यशस्वी करण्यासाठी विविध समित्या गठीत करण्यात आल्या होत्या. प्रत्येक समितीने आपापली जबाबदारी बजावून रुग्णांना महाशिबिराचा लाभ मिळवून दिला.

श्री. रामशेठ ठाकूर सामाजिक विकास मंडळ माझ्या नावाने स्थापन झाले आणि त्या माध्यमातून लोकांची सेवा अखंडपणे केली जात आहे याचा आपल्याला आनंद आहे.

-लोकनेते रामशेठ ठाकूर, माजी खासदार

हृदयविकारासंबंधी चित्रफित व प्रात्यक्षिकासह मार्गदर्शन

पनवेल ः नितीन देशमुख

हल्ली हृदयविकारासंबंधी अनेक तक्रारी उद्भवल्याचे दिसून येते. काहींना हृदयविकाराचा झटका येऊन वेळीच रुग्णवाहिका व उपचार न मिळाल्याने प्राणही गमवावा लागतो. ते लक्षात घेता बंद पडलेला श्वासोच्छवास कसा सुरू करायचा याबद्दल आरोग्य महाशिबिरात रोटरी क्लब डिस्ट्रिक 3131च्या माध्यमातून प्रात्यक्षिकांसह मार्गदर्शन करण्यात आले. एखाद्या व्यक्तीची हृदयक्रिया बंद पडल्यास त्याला जोपर्यंत वैद्यकीय मदत मिळत नाही किंवा रुग्णवाहिका येत नाही तोपर्यंत सामान्य माणूस म्हणून आपण काय करू शकतो तर त्याच्या हृदयाच्या पंपिंगचे कार्य सुरू करण्यासाठी पुनरूथ्थान करायचे आहे. त्याला रस्त्यावर सपाट जागी झोपवून आपण केवळ दोन हातांच्या साह्याने पंपिंग करून त्याची हृदयक्रिया कशी सुरू ठेवायची याची माहिती चित्रफित व प्रात्यक्षिकासह डॉ. प्रितेश बागूल, एमजीएम रुग्णालयाचे डॉ. दत्तात्रय भुसारे आणि डॉ. रामकृषणन यांनी दिली. या कार्यशाळेचा अडीचशे ते तीनशे जणांनी लाभ घेतला.

मी पेंटरचे काम करीत होतो. चार वर्षांपूर्वी पेंटिंगचे काम करताना वरून पडलो. त्या वेळी पाय दुमडला गेला. त्यामुळे मला चालता येत नाही. सरकत सरकत जावे लागते. त्यामुळे अनेक वेळा जखमा होतात. त्याचा खूप त्रास होतो, परंतु या महाशिबिरात ही खुर्ची मिळाल्याने मला खूप बरे वाटले. माझा त्रास कमी होणार आहे. त्यामुळे मी आमदार प्रशांत ठाकूरसाहेबांना धन्यवाद देतो.

-भारत गायकर, केवाळे, पनवेल 

मला हृदयविकारचे तीन झटके आले होते. माझी बायपास झाली आहे. मला 10 वर्षे ऐकायला येत नाही. यापूर्वी मला इथेच आमदारसाहेबांनी मशीन दिले होते, पण ते पाण्यात भिजले. त्यामुळे बंद पडले. माझी पत्नी मंदा हिलासुद्धा ऐकू येत नाही. त्यामुळे आम्ही महाशिबिरात आलो. आता मशीन मिळाल्याने आम्ही दोघे एकमेकांचे बोललेले ऐकू शकतो याचा नक्कीच आनंद झाला आहे. आमदार प्रशांत ठाकूरसाहेबांचे आम्ही आभारी आहोत.

-दत्तात्रय गायकवाड, अजिवली, पनवेल

मी डोळे तपासायला आले होते. ते तपासून झाले. मला चष्मा देण्यात आला. आता कान आणि गुडघे दुखतात तेही तपासायचे आहे. या ठिकाणी जेवणाचीदेखील व्यवस्था छान केली आहे. गर्दी असूनही गडबड, गोंधळ नाही. जेवणही चांगले आहे.

-आशा पाटील, छोटा खांदा, पनवेल