उरणमध्ये भाजप महायुती उमेदवारांचे अर्ज दाखल

मंत्री आशिष शेलार यांची प्रमुख उपस्थिती

उरण : प्रतिनिधी, वार्ताहर
उरण नगर परिषदेच्या सार्वत्रिक निवडणुकीसाठी भाजप महायुतीच्या नगराध्यक्षपदाच्या उमेदवार शोभा कोळी-शाह तसेच नगरसेवकपदाच्या उमेदवारांनी गुरुवारी (दि.13) राज्याचे माहिती तंत्रज्ञान आणि सांस्कृतिक कार्यमंत्री तथा भाजपचे रायगड जिल्हा संपर्कमंत्री अ‍ॅड. आशिष शेलार यांच्या प्रमुख उपस्थितीत अर्ज दाखल केले. या वेळी निघालेल्या रॅलीत शेकडो कार्यकर्त्यांसह नागरिकांनी उपस्थिती दर्शविली.
उमेदवारी अर्ज दाखल करण्यासाठी उरण कोटनाका येथून जोरदार घोषणाबाजी आणि शक्तिप्रदर्शन करीत रॅली निघाली. या रॅलीत मंत्री आशिष शेलार, पनवेलचे आमदार प्रशांत ठाकूर, उरणचे आमदार महेश बालदी, भाजपचे ज्येष्ठ नेते बाळासाहेब पाटील, जे.एम. म्हात्रे, उत्तर रायगड जिल्हाध्यक्ष अविनाश कोळी, खालापूर तालुकाध्यक्ष प्रवीण मोरे, उरण तालुकाध्यक्ष रवी भोईर, शहराध्यक्ष कौशिक शाह, युवा नेते प्रितम म्हात्रे, उरण ग्रामीण मंडळ अध्यक्ष धनेश गावंड, शहर मंडळ अध्यक्ष प्रसाद भोईर, महिला मोर्चा ग्रामीण अध्यक्ष राणी म्हात्रे, शहराध्यक्ष संपूर्णा थळी, भाजप जिल्हा सरचिटणीस नितीन पाटील, उपाध्यक्ष चंद्रकांत घरत, गणेश कडू, कामगार नेते सुधीर घरत, माजी जि.प. सदस्य राजेंद्र पाटील, विजय भोईर, माजी नगराध्यक्ष नितीन पाटील, पनवेल तालुका पश्चिम मंडळ अध्यक्ष रूपेश धुमाळ, दक्षिण तालुकाध्यक्ष मंगेश वाकडीकर, माजी सरपंच जितेंद्र घरत, तालुका उपाध्यक्ष पंडित घरत, सरचिटणीस समीर मढवी, नवीनशेठ राजपाल, महिला नेत्या सीमा घरत यांच्यासह पदाधिकारी, कार्यकर्ते व नागरिक मोठ्या संख्येने उपस्थित होते. रॅलीतील शिस्तबद्धता, तरुणांचा उत्साह, महिलांचा सक्रिय सहभाग आणि नागरिकांचा प्रचंड प्रतिसाद पाहता उरणमध्ये भाजप महायुतीची लाट असल्याचे दिसून आले.
या वेळी थेट नगराध्यक्षपदासाठी शोभा कोळी-शाह यांनी उमेदवारी अर्ज निवडणूक निर्णय अधिकारी तथा उरणचे तहसीलदार डॉ. उद्धव कदम यांच्याकडे दाखल केला. त्याचप्रमाणे नगरसेवकपदासाठी जविंद्र लक्ष्मण कोळी, रजनी सुनील कोळी, नंदकुमार बाबाजी लांबे, नम्रता प्रवीण ठाकूर, सुरेश वामन शेलार, संदीप शशिकांत पानसरे, रोशनी सचिन थळी, स्नेहल भिमदास कासारे, रिना निलेश पाटील, रवी यशवंत भोईर, पूर्वा योगेश वैवडे, रोहित नितीन पाटील, गणेश सदाशिव पाटील, सायली विशाल पाटेकर, राजेश मधुकर ठाकूर, सायली सविन म्हात्रे, दमयंती वैभव म्हात्रे यांनीही उमेदवारी अर्ज सादर केला, तर रिबेका रवींद्र मढवी, हिदा हमीद सरदार, जसीम इस्माईल गॅस आणि शाहिस्ता इब्राहिम कादरी शुक्रवारी (दि. 14) अर्ज दाखल करणार आहेत.