छायाचित्रकार समीर मोहिते यांना पुरस्कार जाहीर

 मुरूड : छायाचित्रकारितेत बजावलेल्या उल्लेखनीय कामगिरीची दखल घेऊन फोटोग्राफी सोसायटी ऑफ अमेरिका या संस्थेने कोकणचे सुपुत्र समीर मोहिते यांना आंतरराष्ट्रीय दर्जाचा छायाचित्रकार पदवी पुरस्कार जाहीर केला आहे.

समीर मोहिते गेली 15 वर्षे छायाचित्रण क्षेत्रात काम करीत आहेत. भारतातील विविध राज्यांच्या छायाचित्रणातील 32 विशेष पदव्या त्यांना प्राप्त झाल्या आहेत, तर विविध 50 देशांच्या स्पर्धेत त्यांच्या 2000 छायाचित्रांना स्वीकृत प्रमाणपत्रे मिळाली. त्याची दखल घेत फोटोग्राफी सोसायटी ऑफ अमेरिकेने मोहिते यांना हा पुरस्कार जाहीर केला आहे.