नागोठण्यात पावसाची संततधार

नागोठणे : शहरासह विभागात पावसाची संततधार चालूच असून गेल्या चोवीस तासात नागोठणे शहरात 190 मि. मी. पावसाची नोंद झाली असल्याची माहिती तलाठी अनंत म्हात्रे यांनी दिली. रात्रभर पडलेल्या पावसाने नागोठणे – पोयनाड मार्गावर कडसुरे – कुहिरे गावांदरम्यान रस्त्यावर पाणी साचल्याने सकाळी सहा – सात वाजण्याच्या दरम्यान रस्त्यावरील वाहतूक ठप्प झाली होती. येथील अंबा नदी दुथडी भरून वाहत असल्याने पावसाचे प्रमाण अधिक वाढले तर, पुराची शक्यता नाकारता येत नाही.