पाच राज्यांतील निवडणुकीसाठी भाजपच्या याद्या जाहीर

नवी दिल्ली ः भारतीय जनता पक्षाने पाच राज्यांच्या विधानसभा निवडणुकीसाठी आपल्या उमेदवारांच्या याद्या जाहीर केल्यात आहेत. यात पश्चिम बंगालमध्ये निवडणूक लढणार्‍या 65 उमेदवारांची तिसर्‍या व चौथ्या यादीचा समावेश असून, भाजपचे राष्ट्रीय महासचिव अरुण सिंह यांनी केंद्रीय मंत्री बाबूल सुप्रियो हे टॉलिगंज येथून लढणार असल्याची घोषणा केली. तामिळनाडूत भाजप 20 जागांवर निवडणूक लढवणार आहे. एनडीएचा घटक पक्ष म्हणून भाजप या ठिकाणी आयएडीएमकेसोबत मिळून निवडणुकीच्या मैदानात असेल. यापैकी रविवारी 17 उमेदवारांच्या नावाची घोषणा करण्यात आली. केरळमध्ये भाजप 115 जागांवर निवडणूक लढवणार आहे. याव्यतिरिक्त भाजपकडून आसाम आणि पुद्दुचेरीमधील उमेदवारांच्या नावांचीही घोषणा करण्यात आली आहे.