जासईत शुक्रवारी प्रवेशद्वार उद्घाटन समारंभ

उरण : प्रकल्पग्रस्तांचे श्रद्धास्थान लोकनेते दिवंगत दि. बा. पाटीलसाहेब, 1984च्या आंदोलनातील पाच हुतात्मे यांच्या स्मरणार्थ महात्मा फुले सामाजिक प्रबोधन व परिवर्तन प्रतिष्ठानतर्फे उरण तालुक्यातील जासई येथे उभारण्यात आलेल्या प्रवेशद्वाराचे उद्घाटन आंदोलनातील रणरागिणी नेत्या भारतीताई पवार यांच्या हस्ते शुक्रवारी (दि. 24) सकाळी 10.30 वाजता होणार आहे. तत्पूर्वी सकाळी 9 वाजता जासई येथील श्री छत्रपती शिवाजी हायस्कूल व लोकनेते दि. बा. पाटील ज्युनियर कॉलेज (दहागाव विभाग) जासई प्रांगणातील लोकनेते दि. बा. पाटील यांच्या पुतळ्यास, प्रांगणातील पंच विभूती व कर्मवीर अण्णांच्या पुतळ्यास आणि हुतात्मा स्मारकास पुष्पहार अर्पण करून अभिवादन करण्यात येईल, तर 10 वा. जिजामाता हॉस्पिटल येथील जिजाऊंच्या अर्धपुतळ्यास व हॉस्पिटलमधील लोकनेते दि. बा. पाटील यांच्या अर्धपुतळ्यास पुष्पहार अर्पण करून अभिवादन करण्यात येणार आहे. या कार्यक्रमास उपस्थित रहावे, असे आवाहन प्रतिष्ठानचे अध्यक्ष अतुल पाटील यांनी केले आहे.