‘टीआयपीएल’तर्फे हेल्मेटचे वाटप

पाडेघरमध्ये रस्ता सुरक्षासंदर्भातही मार्गदर्शन

पनवेल : रामप्रहर वृत्त
नवी मुंबई पोलीस आयुक्तालय रस्ता सुरक्षा सप्ताह अंतर्गत गव्हाण फाटा वाहतूक शाखा व ठाकूर इन्फ्राप्रोजेक्ट्स प्रा. लि. (टीआयपीएल) एचआर विभाग पाडेघरच्या संयुक्त विद्यमाने सोमवारी (दि. 16) पाडेघर येथे दुचाकी, चारचाकी वाहनचालक कर्मचार्‍यांना रस्ता सुरक्षेसंबंधी मार्गदर्शन करण्यात आले. त्या वेळी माहिती पुस्तिकेचे व सहा दुचाकी चालकांना हेल्मेटचे विनामूल्य वाटप करण्यात आले. या कार्यक्रमाला गव्हाण फाटा वाहतूक शाखेतर्फे वरिष्ठ पोलीस निरीक्षक मुलाणी, पालीस नाईक मस्के, पोलीस शिपाई शिंदे आणि कंपनी कार्यालयीन अधिकारी व कर्मचारी उपस्थित होते. ठाकूर इन्फ्राप्रोजेक्ट्स प्रा. लि.च्या वतीने नेहमीच सामाजिक उपक्रम राबविण्यात येत असतात.