राज्यस्तरीय कॅरम स्पर्धेत निलांश, अमिन व प्रथम अजिंक्य

मुंबई : प्रतिनिधी

राज्य क्रीडा व युवक संचालनालय अंतर्गत जिल्हा क्रीडा परिषद, जिल्हा क्रीडा अधिकारी कार्यालय सांगली यांच्या विद्यमाने आयोजित राज्यस्तरीय आंतरशालेय कॅरम स्पर्धेच्या मुले ऐकरीच्या विविध तीन गटांतील (14, 17 व 19 वर्षाखालील मुले) विजेते अनुक्रमे मुंबईचा निलांश चिपळूणकर, अमिन अख्तर अहमद व प्रथम करिहार (नागपूर) यांनी विजेतेपद पटकाविले. ही स्पर्धा सांगली येथील जिल्हा क्रीडा संकुलात महाराष्ट्र कॅरम असोसिएशनच्या सहकार्याने खेळविण्यात आली.

या स्पर्धेला मुंबई, नाशिक, नागपूर, अमरावती, औरंगाबाद, लातूर, पुणे व यजमान कोल्हापूर विभागातील विविध जिल्ह्यांतून 200 खेळाडू,  मुले व पंच यांच्या उत्स्फूर्त सहभाग लाभला.

मुले एकेरीच्या 14 वर्षाखालील गटाच्या अंतीम फेरीच्या तीन गेम रंगलेल्या अटीतटीच्या लढतीत मुंबईच्या वनिता विश्राम हायस्कूल खेतवाडीचा विद्यार्थी निलांश चिपळूणकरने मुंबईच्याच मिहीर शेखचा 4-25, 25-4, 25-8 असा पराभव करून विजेतेपदावर पहिल्यांदाच आपले नाव कोरले. 

मुले एकेरीच्या 17 वर्षाखालील गटाच्या अंतिम फेरीच्या दाने गेम रंगलेल्या अटीतटीच्या लढतीत नागपूरच्या अमीन अख्तर अहमदने मुंबईच्या नीरज कांबळेचा 25-12, 25-7  असा सहज पराभव करून विजेतेपदावर आपले नाव कोरून वर्चस्व सिद्ध केले.मुले एकेरीच्या 19 वर्षाखालील गटाच्या अंतीम फेरीच्या सामन्यात नागपूरच्या प्रथम करिहारने दोन गेम रंगलेल्या अटीतटीच्या लढतीत मुंबईच्या जयेश जाधवचा 25-19, 25-20 असा संघर्षपूर्ण विजय मिळवून विजेतेपदाला गवसणी घातली.