पनवेल शहर पोेलिसांतर्फे के. वी. कन्या शाळेत कार्यशाळा

पनवेल : वार्ताहर

पनवेल शहर पोलिसांनी महिला वर्गामध्ये तसेच अल्पवयीन मुलींमध्ये जनजागृती करण्याच्या उद्देशाने वरिष्ठ पोलीस निरीक्षक अजयकुमार लांडगे यांच्या मार्गदर्शनाखाली येथील विद्यार्थ्यांनीची

कार्यशाळा घेतली होती.

महिला पोलीस उपनिरीक्षक सरिता मुसळे व महिला पोलीस नाईक विद्या भगत यांनी या शाळेत जावून विद्यार्थींनीची कार्यशाळा घेतली. या वेळी सुमारे 150 आसपास विद्यार्थीनी व शिक्षक वर्ग उपस्थित होता. या कार्यशाळेत उपस्थित मुलींना लैंगिक अत्याचाराबाबत माहिती देण्यात आली. त्याचप्रमाणे ज्युवेनाईल अ‍ॅक्ट व छेडछाडबाबत त्यांची तक्रार असल्यास संबंधित पोलीस ठाण्याचे फोन नंबर त्याचप्रमाणे कोणाची भिती न बाळगता पोलीस ठाण्यात जावून याबाबत तक्रार करण्याचे आवाहन करण्यात आले. काही माहिती गोपनीय असल्यास याबाबत त्यांनी पोलीस ठाण्याच्या महिला अधिकारी व कर्मचार्‍यांशी संपर्क साधून त्याबाबत माहिती द्यावी. ही माहिती दिल्याबद्दल त्यांचे नाव गोपनीय ठेवण्यात येईल असा विश्वास सुद्धा उपस्थित विद्यार्थीनींना या वेळी अधिकारी वर्गाने दिला.