घरातच रोजा, इप्तार, तरावीह पठण
![](https://ramprahar.com/wp-content/uploads/2020/04/muslim-ramzan.jpg)
उरण : वार्ताहर
कोरोना या संसर्गजन्य विषाणूचा प्रादुर्भाव रोखण्यासाठी राज्यात सरकारने 3 मेपर्यंत लॉकडाऊन जाहीर करण्यात आला आहे. या काळात सार्वजनिक ठिकाणी सर्व धर्माचे धार्मिक कार्यक्रम, प्रार्थना आदीवर निर्बंध घालण्यात आले आहेत. त्या अनुषंगाने लॉकडाऊनच्या कालावधीत नियमित नमाज पठण, तरावीह व इप्तारसाठी एकत्र न येण्याबाबत केंद्र सरकारच्या अल्पसंख्यांक कार्य मंत्रालयाने सूचना दिल्या आहेत. त्या नुसार उरण शहरा सह तालुक्यातील मुस्लीम समाजातील बांधवांनी मस्जिदमध्ये न जाता आपल्या घरातच सोशल डिस्टन्सिंग पाळून व शासकीय व धार्मिक नियमांचे पालन करून रमजान महिन्याचे घरातच तरावीह पठण अदा केले, असे उरण शहरातील सामाजिक कार्यकर्ते अदिब भाईजी यांनी सांगितले.