जगातील लोकप्रिय नेत्यांमध्ये पंतप्रधान मोदी सर्वांत पुढे

नवी दिल्ली : पंतप्रधान नरेंद्र मोदी यांची लोकप्रियता देशातच नाही, तर परदेशातही सर्वाधिक आहे. अप्रुव्हल रेटिंग एजन्सीच्या एका सर्वेक्षणातून ही बाब समोर आली आहे. पंतप्रधान नरेंद्र मोदी यांनी जगातील अनेक बड्या नेत्यांना मागे टाकले आहे. अमेरिकेचे राष्ट्राध्यक्ष जो बायडेन, ब्रिटनचे पंतप्रधान बोरिस जॉन्सन यांनाही त्यांनी मागे टाकले आहे. मॉर्निंग कन्सल्टच्या सर्वेक्षणात पंतप्रधान नरेंद्र मोदी यांचे अप्रुव्हल रेटिंग हे सर्वाधिक म्हणजेच 70 टक्के आहे. तर दुसर्‍या क्रमांकावर मेक्सिकोचे राष्ट्राध्यक्ष लोपेज ओबराडोर (66 टक्के) आणि तिसर्‍या क्रमांकावर इटलीचे पंतप्रधान पारियो द्रागी (58 टक्के) यांचा क्रमांक आहे. जर्मनीच्या चॅन्सलर एन्जेला मार्केल (54 टक्के) या पाचव्या स्थानावर, तर अमेरिकेचे राष्ट्राध्यक्ष जो बायडेन (44 टक्के) हे सहाव्या स्थानावर आहेत.