बोलेरो जीपची मोटार सायकलला धडक

पेण : प्रतिनिधी

जेएसडब्ल्यू कंपनीच्या अलिबाग गेटच्या बाजूला धरमतर ब्रिजजवळ शुक्रवारी (दि. 22) सकाळी बोलोरो जीपने मोटार सायकलला ठोकर दिली. या अपघातात मोटारसायकलस्वार व मागे बसलेला इसम असे दोघे जखमी झाले आहेत. त्यांना  पेण येथील म्हात्रे हॉस्पिटलमध्ये दाखल करण्यात आले आहे 

बोलोरो जीप (एमएच-01, डीइ-1677) जेएसडब्ल्यू  कंपनी येथून वडखळ – पोयनाड मार्गे जात होती. धरमतर ब्रिजजवळ  समोरून आलेल्या मोटारसायकलला (एमएच-06, बीएस-828)  जीपने धडक दिली.  या अपघाताची नोंद वडखळ पोलीस ठाण्यात करण्यात आली असून, पुढील तपास सहाय्यक फौजदार घोलप  करीत आहेत.