विसपुते स्कूलचे स्नेहसंमेलन उत्साहात

पनवेल : बातमीदार

श्री ऋषिकेश शिक्षण प्रसारक मंडळ, नवी मुंबई संचलित बापूसाहेब डी. डी. विसपुते प्री प्रायमरी व प्रायमरी स्कूलचे वार्षिक स्नेहसंमेलनाचे आयोजन शाळेच्या प्रांगणात आयोजित करण्यात आले.

या कार्यक्रमासाठी बेटी बचाव व बेटी पढाव अभियानाचे राष्ट्रीय संयोजक डॉ. राजेंद्रजी फडके, पोलीस निरीक्षक मधुकरभोगे, कक्ष अधिकारी मंत्रालय सुरेशअंबेकर संस्थेचे चेअरमन दादासाहेब धनराज विसपुते व सचिव संगिता विसपुते, मुख्याध्यापिका डॉ. अरिफा शेख, इतर विभागाचे प्राचार्य कार्यक्रमासाठी उपस्थित होते. तसेच सर्व शिक्षक व शिक्षकेत्तर कर्मचारी उपस्थित होते.

स्नेहसंमेलनात  1200 विद्यार्थी व पालकांनी उस्फुर्त सहभाग घेतला प्रसंगी प्रमुख अतिथींच्या हस्ते दीपप्रज्वलन करून सरस्वती पूजन करण्यात आले. प्रमुख अतिथींच्या मार्गदर्शनपर भाषणात बेटी बचाव व बेटी पढाव अभियानचे राष्ट्रीय संयोजक डॉ. राजेंद्रजी फडके यांनी उपस्थितांना मार्गदर्शन केले.