पारंपरिक मासेमारी करणार्‍यांच्या शासन पाठीशी -मंत्री सुधीर मुनगंटीवार

नागपूर : प्रतिनिधी
पारंपरिक मासेमारी करणार्‍यांच्या पाठीशी शासन आहे. मत्स्य व्यवसाय विभाग हा रोजगार क्षमता असणारा विभाग असून या विभाला गती देण्यात येईल, अशी माहिती मत्स्यविकासमंत्री सुधीर मुनगंटीवार यांनी विधानसभेत दिली. पर्ससीन मासेमारीवर बंदी असतानाही अनेक मच्छीमार बेकायदेशीररित्या मासेमारी करीत असल्याबाबत प्रश्न आमदार वैभव नाईक यांनी उपस्थित केला होता. या वेळी सदस्य भास्कर जाधव, महेश बालदी यांनी सहभाग घेतला.
मंत्री मुनगंटीवार म्हणाले की, 120 हॉर्सवर स्पीड बोटीला परवानगी दिली आहे. 720 किमी समुद्रकिनार्‍यालगत असलेल्या सात जिल्ह्यांपैकी पाच जिल्ह्यांत गस्ती बोटी उपलब्ध आहेत. याबाबत उपमुख्यमंत्री यांच्यासमवेत बैठक घेऊन दोन स्पीड बोटी उपलब्ध करून देण्यात येतील.
अशा पद्धतीने पारंपरिक मासेमारी करण्याच्या आड कोणी येत असेल ते खपवून घेतले जाणार नाही. शासन पारंपरिक मासेमारी करणार्‍यांच्या सोबत सकारात्मक दृष्टीने आहे. मत्स्य व्यवसाय विभाग हा रोजगार क्षमता असणारा विभाग आहे  या संदर्भात राजाच्या व केंद्राच्या योजनांबाबत दिल्लीत बैठक घेऊन या सात जिल्ह्यांतील प्रतिनिधींना बोलावण्यात येईल. 12 नॉटिकलच्या पुढे मासेमारी करण्यास बंदी आहे. याबाबत समिती गठीत केली असून या समितीचा अहवाल आल्यानंतर याबाबत एकच धोरण तयार करण्यात येईल, असेही मंत्री मुनगंटीवार यांनी सांगितले.