खोपोली ः प्रतिनिधी
पर्यावरण विभागाची मुदत संपुष्टात आल्यानंतरदेखील दगड खदान, क्रशर सुरू ठेवणार्या दहा दगड खाणींवर तहसीलदार आयुब तांबोळी यांच्या आदेशाने शनिवारी (दि. 27) कारवाई करण्यात आली. दगड खाणीला महसूल पथकाकडून टाळे ठोकण्यात आले आहे. तालुक्यात सुरू असलेल्या दगड खाणीबद्दल अनेक तक्रारी महसूल विभागाकडे प्राप्त झाल्या होत्या. त्या अनुषंगाने महसूल विभागाने धडक कारवाई करत तालुक्यातील दगड खाणीची तपासणी केली. तहसीलदार आयुब तांबोळी यांच्या आदेशानुसार मंडल अधिकारी, तलाठी यांचे पथकाने दगड खाण तपासणी मोहीम राबवली. सुमारे दहा दगड खाणी पर्यावरण विभागाकडील ना हरकत मुदत संपल्यानंतरदेखील सुरू असल्याचे निदर्शनास आले. चौक मंडळातील तीन दगड खाणी, खालापूर मंडळातील सहा दगड खाणी व वावोशी मंडळातील एक दगड खाण सील करण्यात आली आहे. महसूल विभागाच्या धडक कारवाईनंतर दगड खाणचालकांचे धाबे दणाणले आहे.
Check Also
उरण विधानसभा मतदारसंघातील रस्त्यांचा होणार विकास
आमदार महेश बालदी यांच्या मागणी व पाठपुराव्याने 40 कोटी रुपयांच्या कामाला प्रशासकीय मान्यता उरण ः …