राज्यस्तरीय महिला दिनात डॉ. शुभदा नील यांचे व्याख्यान

पनवेल ः रामप्रहर वृत्त

महाराष्ट्र शासन आरोग्य सेवेतर्फे ठाणे येथे विठ्ठल सायन्ना सामान्य रुग्णालयाच्या प्रांगणात कर्करोग तपासणी मोहीम आणि शिबिर आयोजित करण्यात आले होते.

सार्वजनिक आरोग्य व कुटुंब कल्याणमंत्री एकनाथ शिंदे यांच्या हस्ते या शिबिराचे उद्घाटन करण्यात आले. या शिबिरात वेलनेस ऑफ वूमन-एक पाऊल कॅन्सरमुक्तीसाठी फोग्सी व ब्रह्माकुमारीज उपक्रमाच्या राष्ट्रीय संयोजिका डॉ. शुभदा नील यांनी कार्यक्रमास उपस्थिती दर्शवली व उपक्रमाबद्दल माहिती दिली, तसेच डॉ. शुभदा यांनी महिलांच्या कर्करोगाचे समूळ उच्चाटन होण्यासाठी तिहेरी जीवनशैलीचे महत्त्व प्रेझेंटेशनद्वारे विषद केले. त्यामध्ये आहार, व्यायाम व ध्यान याला प्राधान्य दिले. तसेच सर्वांना सकारात्मक चिंतन करण्याचे सुचवले. त्यानंतर ‘वंदे मातरम्’ या गीतावर डॉ. शुभदा नील यांनी योगाची प्रात्यक्षिके करवून घेतली.