आमदार प्रताप सरनाईकांचा शिवसैनिकांनीच केला निषेध

महाड ः प्रतिनिधी
शिवसेनेचे आमदार प्रताप सरनाईक यांनी नरवीर तानाजी मालुसरे यांच्याबाबत केलेल्या अपमानास्पद विधानाचा महाड येथील शिवसैनिकांनीच निषेध केला आहे.
‘मी तानाजी मालुसरेसारखा धारातिर्थी पडणारा सैनिक नाही,’ असे बेताल विधान शिवसेनेचे आमदार प्रताप सरनाईक यांनी केले होते. त्याचा महाड आंबेशिवथर येथील शिवसैनिकांनी जाहीर निषेध केला आहे.
या वेळी आंबेशिवथर गावचे माजी पोलीस पाटील भगवान मालुसरे, तंटामुक्ती समितीचे अध्यक्ष विठ्ठल मालुसरे, गोविंद चौधरी, माजी सरपंच अविनाश मालुसरे, अरविंद मालुसरे, ठकसेन मालुसरे, सुसेश मालुसरे, कैलास मालुसरे, बाळा मालुसरे, सुरेश गेणू मालुसरे, सुरेश भागोजी मालुसरे, चंद्रकांत गायकवाड, दगडू गायकवाड आदी ग्रामस्थ उपस्थित होते.