कराटे चॅम्पियनशिपमध्ये कामोठेच्या खेळाडूंचे सुयश

कामोठे : रामप्रहर वृत्त गोवा येथे झालेल्या प्रथम कराटे चॅम्पियनशिप स्पर्धेत युनायटेड शोतोकन कराटे असोसिएशन कामोठे शाखेच्या आठ खेळाडूंची निवड झाली होती. त्यामध्ये चार सुवर्ण व चार रौप्य पदक मिळवत खेळाडूंनी पदकांची लयलूट केली. यामध्ये शिवराज चव्हाण -सुवर्ण पदक, श्रेयस म्हात्रे -रौप्य, रितेश गोवारी -सुवर्ण, प्रणव सावंत -रौप्य, सोनम राजिवडे -रौप्य, आदेश शेपोंडे -सुवर्ण, सुजय वेंगुर्लेकर -सुवर्ण, स्वप्नाली सणस -सुवर्ण अशाप्रकारे खेळाडूंनी पदक मिळविले. या यशाबद्दल युनायटेड शोतोकन कराटे असोसिएशन महाराष्ट्राचे अध्यक्ष मंदार पनवेलकर, सर्व सिनियर प्रशिक्षक व सागर कोळी यांनी विजेत्या सर्व खेळाडूंचे युनायटेड शोतोकन कराटे असोसिएशनतर्फे अभिनंदन केले.