आंदोलनादरम्यान बैलगाडी तुटली; काँग्रेस नेत्यांची फजिती

मुंबई ः प्रतिनिधी
इंधन दरवाढीविरोधात काँग्रेसने शनिवारी (दि. 10) मुंबईत आंदोलन केले, मात्र ज्या बैलगाडीतून हे आंदोलन करण्यात आले ती भार जास्त होऊन तुटल्याने मोर्चात एकच गोंधळ उडाला. या घटनेचा व्हिडीओ सोशल मीडियावर व्हायरल झाला आहे.
मुंबई काँग्रेसचे अध्यक्ष भाई जगताप व इतर नेते तसेच पदाधिकारी, कार्यकर्ते बैलगाडीतून आंदोलनात सहभागी झाले, मात्र या वेळी भार अधिक झाल्याने बैलगाडी मोडली आणि जगताप यांच्यासह बैलगाडीत असलेली सर्वच अतिउत्साही मंडळी कोसळली. त्यामुळे काँग्रेसच्या आंदोलनाची फजिती झाली.