37 हजारांचे दागिने खेचून चोरटे पसार

पनवेल शहर व खारघर पोलीस ठाण्यात गुन्हा दाखल

पनवेल ः वार्ताहर

एका महिलेसह एका व्यक्तीच्या गळ्यातील सोन्याचे दागिने खेचून अज्ञात चोरटे दुचाकीवरून पसार झाल्याची घटना पनवेल शहर व कोपरा गाव येथे घडली आहे.

पनवेल शहरातील सिझलर हॉटेलसमोरून मनीषा मोर (वय 44) या रस्त्याने पायी चालत जात असताना दुचाकीवरून आलेल्या दोघांपैकी एकाने त्यांच्या गळ्यातील 37 हजार 500 रुपये किमतीचे सोन्याचे मिनी मंगळसूत्र खेचून पसार झाले. याबाबत घटनेची नोंद पनवेल शहर पोलीस ठाण्यात करण्यात आली आहे.

दुसर्‍या घटनेत कोपरा गाव सेक्टर 10 परिसरातून समीर ठाकूर हे फेरफटका मारत असताना दुचाकीवरून आलेल्या दोघांपैकी एका इसमाने सोन्याची चैन खेचून ते पसार झाले आहेत. या घटनेची नोंद खारघर पोलीस ठाण्यात करण्यात आली आहे.