रोटरी क्लब ऑफ पनवेल सिटीचा सनद सादरीकरण व स्थापना समारंभ

आमदार प्रशांत ठाकूर यांची उपस्थिती

पनवेल : रामप्रहर वृत्त

खांदा कॉलनीमधील रोटरी कम्युनिटी हॉलमध्ये ‘रोटरी क्लब ऑफ पनवेल सिटीचा सनद सादरीकरण आणि स्थापना समारंभ शुक्रवारी (दि. 29) साजरा झाला. या कार्यक्रमात रोटेरीयन ध्वनी हरमेश तन्ना यांची सनदी अध्यक्षपदी आणि सीडीआर दीपक जांबेकर यांची सनदी सचिव म्हणून नियुक्ती करण्यात आली. या वेळी भाजपचे उत्तर रायगड जिल्हाध्यक्ष आमदार प्रशांत ठाकूर आणि डिस्ट्रीक्ट गव्हर्नर डॉक्टर अनिल परमार उपस्थित होते.

या कार्यक्रमासाठी प्रथम महिला रोटेरीयन डॉक्टर हेमा परमार, जिल्हा सदस्यत्व संचालक रोटेरीयन  पंकज पटेल, न्यू क्लबचे सल्लागार आणि सहायक गव्हर्नर रोटेरीयन मुनोज मुनोत, रोटरी क्लब ऑफ पनवेल एलिटच्या अध्यक्षा डॉ. स्वाती लिखिते, सीडीआर दीपक जोंकर, यांना रोटेरीयन आदित्य जोशी, सनदी कोषाध्यक्ष रोटेरीयन भावेश रंगपरिया, डॉ. रोहित जाधव  यांच्यासह पदाधिकारी आणि मान्यवर उपस्थित होते.

या वेळी डिस्ट्रिक्ट गव्हर्नर डॉ. परमार यांनी रोटरी इंटरनॅशनलद्दल सांगितले की, इतिहासात प्रथमच आरआयच्या अध्यक्ष एक महिला आहेत आणि नवीन क्लबच्या सनदी अध्यक्ष ध्वनी यादेखील एक महिला आहेत, तसेच रोटरी क्लब ऑफ पनवेल सिटी हा रोटरी डिस्ट्रिक्ट 3131 भारतातील पहिला क्लब आहे ज्याला 2 जुलै 2022 मध्ये सनद मिळाली असल्याचे सांगत नियुक्य पदाधिकार्‍यांचे अभिनंदन करत उज्ज्वल भविष्यासाठी शुभेच्छा दिल्या.