रायगडातील हरिहरेश्वरमध्ये संशयास्पद बोट

एके 47 रायफल्स, जिवंत काडतुसे आढळल्याने खळबळ

श्रीवर्धन ः प्रतिनिधी
रायगड जिल्ह्यातील हरिहरेश्वर येथे समुद्रात संशयास्पद बोट आढळली आहे. या बोटीमध्ये तीन एके 47 रायफल आणि तब्बल 250 जिवंत काडतुसे असल्याने खळबळ उडाली आहे. या पार्श्वभूमीवर रायगड जिल्ह्यात पोलिसांकडून हाय अलर्ट जारी करण्यात आला आहे. जिल्हा प्रशासन आणि पोलीस यंत्रणा घटनास्थळी दाखल झाली. त्यानंतर स्थानिकांच्या मदतीने ही बोट किनार्‍यावर आणण्यात आली. ही बोट कुठून आली आणि ती कुणाच्या मालकीची याबाबत तपास सुरू आहे.