मुंबई-पुणे एक्स्प्रेस वेवर विचित्र अपघात; वाहने एकमेकांना धडकली

खोपोली, खालापूर : प्रतिनिधी
मुंबई-पुणे द्रुतगती मार्गावर गुरुवारी (दि. 27) विचित्र अपघात होऊन सुमारे 11 वाहने एकमेकांना धडकली. खोपोली एक्झिटजवळ मुंबई लेनवर दुपारी 1च्या सुमारास हा अपघात झाला. या अपघातात काही जण जखमी झाले असून त्यांना रुग्णालयात दाखल करण्यात आले आहे.
अपघातग्रस्त वाहनांमध्ये कार, ट्रक यांचा समावेश असल्याची माहिती समोर आली आहे. या अपघातामुळे वाहतूक विस्कळीत झाली होती. त्याचप्रमाणे मार्गावर ऑईल सांडले होते. पोलिसांकडून वाहतूक सुरळीत करण्यासाठी प्रयत्न सुरू करण्यात आले, तर अपघातातील जखमींना रुग्णालयात हलविण्यात आले आहे.