सिडकोच्या मुख्य दक्षता अधिकारीपदी निसार तांबोळी

नवी मुंबई : रामप्रहर वृत्त  : भारतीय पोलीस सेवेतील अधिकारी निसार तांबोळी यांनी दिनांक 27 मे, 2019 रोजी सिडकोचे मुख्य दक्षता अधिकारी पदाची सूत्रे स्वीकारली. सध्याचे प्रभारी मुख्य दक्षता अधिकारी अशोक शिनगारे यांच्याकडून त्यांना मुख्य दक्षता आयुक्तपदाचा पदभार सोपविण्यात आला.

निसार तांबोळी हे सन 2005च्या तुकडीतील महाराष्ट्र कॅडरचे भारतीय पोलीस सेवा (आयपीएस) अधिकारी आहेत. सिडकोचे मुख्य दक्षता अधिकारी म्हणून पदभार स्वीकारण्यापूर्वी निसार तांबोळी हे राज्य गुप्तवार्ता विभागात पोलीस उपायुक्त पदावर कार्यरत होते.