कर्जत : बातमीदार
रायगड जिल्ह्यामधील कर्जत तालुक्यातील वंजारवाडी येथे वर्ल्ड चिल्ड्रेन वेल्फेअर ट्रस्टची उमंग ही संस्था कार्यरत आहे. या संस्थेकडून गेल्या 10 वर्षांपासून मूकबधिर व अनाथांचा सांभाळ करून त्यांना सक्षम करण्यासाठी शिकवण दिली जाते.
संस्थेचे विश्वस्त कृष्णन रामानुजम यांच्या प्रयत्नाने व एल्कॅम साऊथ आशिया प्रायव्हेट लिमिटेड या कंपनीच्या सहकार्याने उमंग या संस्थेला सोलर सिस्टीम पॅनेल व 10 केव्ही क्षमतेचे इनव्हर्टर भेट देण्यात आले. या वेळी संस्थेच्या संस्थापक सुलोचना कार्लो, कर्जतच्या नगराध्यक्षा सुवर्णा जोशी, सहाय्यक पोलीस निरीक्षक नवनाथ जगताप, कंपनीचे एमडी श्रीनिवास अय्यर व सर्व कर्मचारी उपस्थित होते.