सर्पमित्रांनी दिले अजगरास जीवनदान

रेवदंडा : फणसाड अभयारण्याला लागूनच असलेल्या ताराबंदर गावातील प्राथमिक मराठी शाळेत रविवारी (दि. 28) सकाळी आठ वाजता नऊ फुट लांबीचा अजगर ग्रामस्थांच्या नजरेस पडला. शाळेच्या पाठीमागील बाजूला या भल्यामोठ्या अजगराने ठाण मांडले होते. या अजगरास पाहून ग्रामस्थांची धावपळ उडाली. त्यांनी लागलीच रेवदंडा येथील संर्पमित्र दुशांत झावरे व सुरज धुमाळ यांना भ्रमणध्वनीद्वारे संपर्क करून बोलाविले. त्यांनी लागलीच घटनास्थळी येऊन या अजगरास पकडले व फणसाड अभयारण्यात सोडून दिले.