लाराने घेतली राष्ट्रपतींची भेट

नवी दिल्ली : वेस्ट इंडिजचा महान क्रिकेटपटू आणि माजी कर्णधार ब्रायन लारा हा सध्या भारतात आहे. विंडीजचा संघ भारताविरुद्ध एकदिवसीय मालिका खेळत असून, या मालिकेदरम्यान समालोचक आणि एक्सपर्ट अशा भूमिका लारा बजावत आहे. लाराने मंगळवारी (दि. 17) भारताचे राष्ट्रपती रामनाथ कोविंद यांची राष्ट्रपती भवनात भेट घेतली. या भेटीबाबत ट्विट करून माहिती देण्यात आली आहे.