नेरूळ (नवी मुंबई) : अखिल भारतीय कराटे चॅम्पियनशीपमध्ये उलवे नोड येथील रामशेठ ठाकूर इंटरनॅशनल स्पोर्ट्स कॉम्प्लेक्स (आरटीआयएससी)मधील राकेश तिवरेकर कराटे अकॅडमीचा खेळाडू निभिश चौधरी याने दोन सुवर्णपदके आणि कुमिते ग्रँड चॅम्पियनशीप ट्रॉफी जिंकली. याबद्दल त्याला मान्यवरांच्या हस्ते पारितोषिक देऊन गौरविण्यात आले. ‘आरटीआयएससी’चे खेळाडू विविध स्पर्धांमध्ये सातत्याने सुयश प्राप्त करीत आहेत.