आणखी चार उमेदवारांचे अर्ज सादर; एकूण 12 उमेदवार

अलिबाग : रायगड लोकसभा मतदारसंघातून निवडणूक लढविण्यासाठी आज आणखी चार उमेदवारांनी नामनिर्देशन पत्रे निवडणूक निर्णय अधिकारी डॉ. विजय सूर्यवंशी यांच्याकडे सादर केली. अनंत पद्मा गीते (अपक्ष), मिलिंद भागुराम साळवी (बहुजन समाज पार्टी 2 अर्ज), मधुकर महादेव खामकर (अखिल भारत हिंदू महासभा), संदीप पांडुरंग पार्टे ( बहुजन महा पार्टी) अशी या उमेदवारांची नावे आहेत. यामुळे आता एकूण नामनिर्देशन पत्रे भरलेल्या उमेदवारांची संख्या बारा  झाली आहे.