नंदुरबार येथे जीप दरीत कोसळून सहा मजूर जागीच ठार

नंदुरबार : प्रतिनिधी
नंदुरबार जिल्ह्यातील तोरणमाळ घाटात खडकीजवळ मजुरांना घेऊन जाणारी जीप शनिवारी (दि. 23) सकाळी खोल दरीत कोसळली. या भीषण अपघातात सहा मजुरांचा मृत्यू झाला असून, 25हून अधिक गंभीर जखमी झाले आहेत.
अपघात इतका भयंकर होता की जीपचा फक्त सांगडाच उरला आहे. दरीत ठिकठिकाणी मजुरांचे मृतदेह पडले होते. घटनेची माहिती मिळताच पोलीस आणि आरोग्य कर्मचार्‍यांसह स्थानिक गावकर्‍यांनी धाव घेतली. जखमींना तोरणमाळ येथील ग्रामीण रुग्णालयात दाखल करण्यात आले आहे. मृतांचा आकडा वाढण्याची भीती व्यक्त केली जात आहे.