अक्षर पटेलने घेतली इंग्लंडची फिरकी

अहमदाबाद : येथील तिसर्‍या कसोटी सामन्यात गुजरातचा लोकल बॉय अक्षर पटेल याने इंग्लंडच्या फलंदाजांना आपल्या फिरकीच्या तालावर नाचवले. पहिल्या डावात बुधवारी (दि. 24) पहिल्याच दिवशी पटेलने अचूक टप्यावर मारा करीत इंग्लंडच्या सहा फलंदाजांना माघारी धाडण्याचा पराक्रम केला. त्याला अनुभवी आर. अश्विनने चांगली साथ देत तीन गड्यांना तंबूचा रस्ता दाखवला, तर 100वा कसोटी सामना खेळणार्‍या इशांत शर्माने एक गडी बाद केला. भारतीय गोलंदाजांच्या अचूक मार्‍यापुढे इंग्लंडचा पहिला डाव अवघ्या 112 धावांत संपुष्टात आला.