Breaking News

परदेशी जाणार्‍या नागरिकांसाठी विशेष कोविड लसीकरण सत्र

पनवेल : प्रतिनिधी

नागरी प्राथमिक आरोग्य केंद्र 1 गावदेवी पाडा, पनवेल याठिकाणी पनवेल महानगरपालिकने परदेशी शिक्षण, नोकरीकरीता, ऑलिम्पिकसारख्या आंतरराष्ट्रीय खेळांकरीता जाणार्‍या नागरिकांसाठी सोमवारी (दि. 14) पासून विशेष कोविड लसीकरण सत्र सुरू करण्यात आले आहे. परदेशी जाणार्‍या विद्यार्थ्यांना लसीकरणात प्राधान्य अथवा विशेष सत्र आयोजन करण्यासंदर्भात नगरसेवक अ‍ॅड. मनोज भुजबळ यांनी मागणी केली होती. या सत्रांमध्ये पहिला डोस घेऊन 28 दिवस पुर्ण झालेल्या परदेशी जाणार्‍या नागरिकांना दुसर्‍या डोसचे लसीकरण केले जात आहे. सकाळी 10 ते दुपारी 4 वाजेपर्यंत हे लसीकरण सुरू असणार आहे. लसीकरणासाठी येताना सोबत आधारकार्ड, पासपोर्ट, व्हिसा, परदेशात काम करीत असल्याचे प्रमाणपत्र तसेच शिक्षणाकरिता किंवा खेळाकरिता संबधित संस्थेचे ऑफर लेटर आणावे.

Check Also

पोषण आहारात मृत उंदीर सापडल्याच्या घटनेतील तपासणीचे नमुने नाकारणार्‍या प्रयोगशाळांवर कारवाई करणार

आमदार प्रशांत ठाकूर यांच्या प्रश्नावर ना.आदिती तटकरेंचे उत्तर पनवेल : रामप्रहर वृत्ततपासणीसाठी पाठवलेले नमुने नाकारणार्‍या …

Leave a Reply