कर्जत : बातमीदार
तालुक्यातील आसल येथील पूनम तानाजी ठाकरे ही पोलीस भरतीमध्ये रायगड जिल्ह्यात तिसरी आली असून, या यशाबद्दल पूनमवर अभिनंदनाचा वर्षाव होत आहे. आसल गावातील तानाजी ठाकरे यांची मुलगी पूनम ही डिकसळ येथील भाऊसाहेब राऊत महाविद्यालयात क्रीडा क्षेत्रात आघाडीवर असायची. तिने पोलीस दलात सहभागी होऊन जनतेची सेवा करावी, असे ठाकरे कुटुंबाला वाटत होते. पूनमने पोलीस दलाच्या परीक्षेत उज्ज्वल यश संपादन करून रायगड जिल्ह्यात तिसरा क्रमांक पटकावला आहे.