अमरावतीच्या घटनेचा भाजपतर्फे कोल्हापुरात निषेध

कोल्हापूर : प्रतिनिधी

त्रिपुरामध्ये कोणतीही अनुचित घटना घडली नसताना, जगात कोठे तरी मशिदीची नासधूस झाल्याची व्हिडीओ क्लिप व्हायरल करून; महाराष्ट्रात मालेगाव, अमरावती व नांदेड येथे नुकत्याच दंगली झाल्या. 15 हजार ते 40 हजार लोकांचे जमाव रस्त्यावर उतरून दुकाने, कार्यालये, गाड्या यांचा विद्ध्वंस केला गेला. या घटनेचा भाजपच्या वतीने कोल्हापूर येथे तीव्र निषेध करण्यात आला. मंगळवारी (दि. 23) भाजप प्रदेशाध्यक्ष आमदार चंद्रकांत पाटील यांच्या नेतृत्वाखाली शिष्टमंडळाने या घटनेच्या निषेधार्थ कोल्हापूरचे निवासी उपजिल्हाधिकारी शंकरराव जाधव यांना भेटून मुख्यमंत्री उद्धव ठाकरे यांना द्यावयाचे निवेदन सादर केले.

या वेळी माजी मंत्री सुभाषबापू देशमुख, भाजप ग्रामीण जिल्हाध्यक्ष समरजीतसिंह घाटगे, शहराध्यक्ष राहुल चिकोडे, प्रदेश कार्यकारिणी सदस्य महेश जाधव, शहर संघटन सरचिटणीस अशोक देसाई, ग्रामीण संघटन सरचिटणीस नाथाजी पाटील, सरचिटणीस विजय जाधव, विठ्ठल पाटील, दिलीप मेत्रांणी, जिल्हा उपाध्यक्ष राहुल देसाई यांची उपस्थिती होती.