वीर वाजेकर महाविद्यालय वन्यप्राणी दिन उत्साहात

उरण ः वार्ताहर

रयत शिक्षण संस्थेच्या उरण येथील वीर वाजेकर महाविद्यालय, महालण विभाग फुंडे प्राणिशास्त्र विभागाच्या विद्यमाने जागतिक वन्यप्राणी दिन कार्यक्रम उत्साहात पार पडला. त्या अनुषंगाने  वन्यप्राणी व पक्ष्यांचे पोस्टर प्रदर्शन, फुंडे-पाणजे पाणथळ येथील पक्ष्यांचे डॉ. राहुल पाटील यांचे व्हिडिओचे नियोजन करण्यात आले होते.

प्रदर्शनाचे उद्घाटन प्राचार्य पी. जी. पवार यांच्या हस्ते करण्यात आले. या वेळी उपप्राचार्य घोरपडे यु. टी. व उपप्राचार्य डॉ. विलास महाले उपस्थित होते. या कार्यक्रमाला तू. ह. वाजेकर विद्यालयाच्या विद्यार्थ्यांनी, महाविद्यालयीन विद्यार्थ्यांनी व सर्व प्राध्यापकांनी उत्स्फूर्त सहभाग घेतला. विद्यार्थ्यांना प्रा. अमोद ठक्कर यांनी वन्यप्राणी संवर्धनाची गरज असल्याचे स्पष्ट केले.