सायकलने युरोपला जाणार्‍या महिलांना लोकनेते रामशेठ ठाकूर यांच्याकडून शुभेच्छा

पनवेल : रामप्रहर वृत्त
पनवेलमधून दोन महिला सायकलने युरोपला जाणार आहेत, त्यांना माजी खासदार लोकनेते रामशेठ ठाकूर
यांनी शुभेच्छा दिल्या आणि 50 हजार रुपयांची मदत केली आहे. यामध्ये वंदना महेंद्र भावसार आणि अजिता बाबूराज या 58 वर्षीय महिला 1350 किलोमीटरचा युरोपचा सायकल प्रवास करणार आहेत.
21 ते 28 जून 2025 दरम्यान, नेदरलँड, बेल्जियम आणि पॅरिस आणि 8 ते 20 जुलै 2025 या कालावधीत जर्मनी ते ऑस्ट्रिया असा सायकल प्रवास त्यांचा होणार आहे. महिलां सक्षमीकरणाचा संदेश, शून्य कार्बन फूटप्रिंट – जगाला वेगळ्या दृष्टीने पहा या टॅगलाइनसह स्व-समर्थित सायकलिंग करणार आहेत. या पूर्वी या दोघी मैत्रिणींनी संपूर्ण भारतात आणि देशाबाहेरही सायकलिंग केले आहे.
दरम्यान, त्यांनी शनिवारी लोकनेते रामशेठ ठाकूर यांनी सदिच्छा भेट घेतली. या वेळी लोकनेते रामशेठ ठाकूर यांनी वंदना महेंद्र भावसार आणि अजिता बाबूराज यांना 50 हजार रुपयांची मदत करून त्यांच्या प्रवासाला
शुभेच्छा दिल्या.