नेरळमध्ये सत्ताधारी शिवसेनेला धक्का

उपसरपंचपदी शंकर घोडविंदे

कर्जत : बातमीदार

नेरळ ग्रामपंचायतीच्या उपसरपंच पदाच्या निवडणुकीत खांडा विकास आघाडीचे सदस्य शंकर घोडविंदे विजयी झाले. त्यांनी शिवसेनेचे धर्मानंद गायकवाड यांचा 10 विरुद्ध 8 मतांनी पराभव केला.

नेरळ ग्रामपंचायतच्या उपसरपंच पदासाठी गुरुवारी (दि. 5)  निवडणुक घेण्यात आली. अध्यासी अधिकारी ग्रामपंचायतचे सरपंच रावजी शिंगवा यांच्याकडे निर्धारित वेळेत धर्मानंद गायकवाड आणि शंकर घोडविंदे यांचे नामांकन अर्ज शिल्लक राहिल्याने दुपारी दोन वाजता उपसरपंच पदासाठी निवडणुक घेण्यात आली. ग्रामपंचायतीच्या सार्वत्रिक निवडणूकीत भाजप बरोबर असलेली युती तोडून शिवसेनेने स्वतःच्या ताकदीवर उपसरपंच पदाची निवडणूक लढविली होती. मात्र त्यात शिवसेनेला अपयशाचा धक्का बसला.