संजय कडू राष्ट्रीय टे टे स्पर्धेच्या प्रशिक्षकपदी

पनवेल : रामप्रहर वृत्त
शिवछत्रपती राज्य क्रीडा पुरस्कार विजेते व आंतरराष्ट्रीय टेबल टेनिस प्रशिक्षक संजय सुदाम कडू यांची क्रीडा व युवक सेवा संचालनालयातर्फे शालेय राष्ट्रीय अजिंक्यपद टेबल टेनिस स्पर्धेसाठी प्रशिक्षकपदी निवड करण्यात आली आहे. ही स्पर्धा 4 ते 9 जानेवारी 2020 या कालावधीत गुजरातमधील बडोदा येथे स्कूल गेम फेडरेशन ऑफ इंडिया व इलेव्हन स्पोर्ट्सतर्फे आयोजित करण्यात आली आहे.
संजय कडू यांच्या मार्गदर्शनाखाली शालेय राष्ट्रीय अजिंक्यपद टेबल टेनिस स्पर्धेमध्ये मागील वर्षी महाराष्ट्र राज्याच्या संघाने स्पर्धेतील एकूण सहापैकी पाच सुवर्ण व रौप्यपदक जिंकून दिले होते. त्याच कामगिरीचा विचार करून कडू यांची राष्ट्रीय प्रशिक्षकपदी निवड करण्यात आली आहे.