विनाकारण फिरणार्‍यांना उठाबशा काढण्याची शिक्षा

पेण पोलिसांनी घडविली अद्दल

पेण : प्रतिनिधी
संचारबंदीतही विनाकारण फिरणार्‍या 22 ते 25 जणांना पेण पोलिसांनी उठाबशा काढणे व काही वेळ रस्त्यात बसण्याची शिक्षा दिली.
कोरोनामुळे बाजारात गर्दी न करण्याचे तसेच विनाकारण न फिरण्याचे आवाहन पेण पोलीस सातत्याने करीत आहेत. तरीही काही तरी निमित्त काढून घराबाहेर पडणार्‍यांचे प्रमाण वाढल्याने पोलिसांनी कारवाईस सुरुवात केली आहे. पेणमध्ये अशाच प्रकारे विनाकारण फिरणार्‍यांना थांबवून त्यांना मुख्य चौकात उठाबशा काढण्याची व काही वेळ बसण्याची शिक्षा देण्यात आली.