मुरूड : प्रतिनिधी : जागतिक पोषण आहार पंधरवड्यानिमित्त येथील ग्रामीण रुग्णालयाच्या वतीने मुरूड लक्ष्मीखार येथे किशोरवयीन मुलींना वयात येताना होणार्या शारीरिक बदलाविषयी मार्गदर्शन करण्यात आले. मुरूड ग्रामीण रुग्णालयाच्या अधिपरिचारिका संजाली कुलकर्णी यांनी वयात येताना होणारे शारीरिक बदल व मासिक पाळीच्या काळातील घ्यावयाची काळजी, तसेच पूरक पोषण आहार याबद्दल या वेळी उपस्थितांना मार्गदर्शन केले. या वेळी ग्रामीण रुग्णालयाच्या अधिपरिचारिका बायसा साकोरे, आयसीटीसी विभागातील सचिन जाधव, समीर धांदुरे, महालॅबच्या ऋतुजा डांगे, लक्ष्मीखार येथील अंगणवाडी सेविका आरती शेडगे, सोनाली तडकर यांच्यासह नांदगाव येथील नूतन नर्सिंग स्कूलच्या विद्यार्थिनी उपस्थित होत्या. या वेळी सुमारे 50 किशोरवयीन मुलींची मोफत रक्ततपासणी करण्यात आली.
Check Also
आमदार प्रशांत ठाकूर यांच्या प्रयत्नातून एक कोटी 35 लाख रुपयांच्या विकासकामांचा शुभारंभ
पनवेल : रामप्रहर वृत्त पनवेल विधानसभा मतदार संघातील ग्रामिण भागात आमदार प्रशांत ठाकूर यांच्या मार्गदर्शनाखाली …