एक्स्प्रेस वेवर भीषण अपघातात तीन जण ठार

खोपोली, खालापूर ः प्रतिनिधी
मुंबई-पुणे द्रुतगती मार्गावर आडोशी हद्दीत गुरुवारी (दि. 1) चार वाहनांचा भीषण अपघात घडला. यात एक कार पूर्णपणे जळून खाक होऊन त्यातील तिघांचा होरपळून जागेवरच मृत्यू झाला.
आडोशी हद्दीतील तीव्र उतारावर एका कंटेनरने आय 10 कारला जोरदार धडक दिली. त्यामुळे ती कार पुढील पुढील ट्रकवर धडकली व तिने पेट घेतला. त्याच कंटेनरने पुढील अजून एका कारला धडक देऊन तो अनियंत्रित होऊन उलटला. या अपघातात आय 10 कारमधील आई, वडील व मुलाचा मृत्यू झाला. मृतांमध्ये लुईझा चितीयार (वय 35), झोकिंम चितीयार (34) आणि धायरल चितीयार (4) यांचा समावेश आहे, तर कंटेनरचालक गंभीर जखमी झाला असून त्याला कळंबोली एमजीएम रुग्णालयात दाखल करण्यात आले आहे.