मुरूडमधील चोरढे शाळेत पालकांचे श्रमदान

परिसर स्वच्छता व परसबाग निर्मिती

रेवदंडा : प्रतिनिधी

मुरूड तालुक्यातील चोरढे येथील राजिप शाळेत पालकांच्या श्रमदानातून शाळा व परिसर स्वच्छता तसेच परसबाग निर्मिती करण्यात आली.

आझादी का अमृत महोत्सव या उपक्रमांतर्गत चोरढे शाळेत शिक्षक व विद्यार्थ्यांच्या वतीने विविध उपक्रम आयोजीत करण्यात आले होते. त्यामध्ये शाळेतील विद्यार्थ्यांचे पस्तीस पालक सहभागी झाले होते. त्यांनी श्रमदानाने शाळा व परिसरात स्वच्छता मोहीम राबविली  व ठिकठिकाणी लाद्या बसविल्या. तसेच परसबागेची  निर्मिती करून झेेंडू, मिरची, वांगी आदी रोपांची लागवड केली. यावेळी शाळेतील विद्यार्थ्यासाठी चित्रकला स्पर्धा घेण्यात आली.