महाराष्ट्र प्रदेश भाजप कार्यकारिणीची पुढील आठवड्यात पनवेलमध्ये बैठक

प्रमुख नेत्यांनी केले पदाधिकार्‍यांना मार्गदर्शन

पनवेल ः रामप्रहर वृत्त

भारतीय जनता पक्षाची प्रदेश कार्यकारिणीची बैठक पुढील आठवड्यात पनवेलमधील आद्य क्रांतिवीर वासुदेव बळवंत फडके नाट्यगृहात होणार आहे. या पार्श्वभूमीवर रायगड जिल्हा कार्यकारिणीची बैठक श्री. रामशेठ ठाकूर सामाजिक विकास मंडळाच्या सभागृहात माजी पालकमंत्री व विद्यमान आमदार रवींद्र चव्हाण यांच्या अध्यक्षतेखाली आणि भाजपचे उत्तर रायगड जिल्हाध्यक्ष आमदार प्रशांत ठाकूर यांच्या प्रमुख उपस्थितीत शुक्रवारी (दि. 15) झाली. या बैठकीला विधान परिषदेचे नवनिर्वाचित आमदार श्रीकांत भारतीय, कोकण म्हाडाचे माजी सभापती बाळासाहेब पाटील, भाजपचे पनवेल तालुका अध्यक्ष अरुणशेठ भगत, युवा मोर्चाचे प्रदेशाध्यक्ष विक्रांत पाटील, महिला मोर्चाच्या उत्तर रायगड जिल्हाध्यक्ष अश्विनी पाटील, पनवेल तालुका अध्यक्ष रत्नप्रभा घरत, माजी महापौर डॉ. कविता चौतमोल, माजी उपमहापौर सीताताई पाटील, चारुशीला घरत, माजी सभागृह नेते परेश ठाकूर, भाजपचे जिल्हा संघटन सरचिटणीस अविनाश कोळी, उपाध्यक्ष प्रल्हाद केणी, सरचिटणीस श्रीनंद पटवर्धन, दीपक बेहेरे, पनवेल शहराध्यक्ष जयंत पगडे, युवा मोर्चाचे उत्तर रायगड जिल्हाध्यक्ष मयुरेश नेतकर यांच्यासह पदाधिकारी, माजी नगरसेवक-नगरसेविका, कार्यकर्ते बहुसंख्येने उपस्थित होते. या वेळी आमदार रवींद्र चव्हाण, आमदार प्रशांत ठाकूर आणि आमदार श्रीकांत भारतीय यांनी प्रदेश कार्यकारिणी बैठकीच्या पार्श्वभूमीवर पदाधिकार्‍यांना मार्गदर्शन करून सूचना दिल्या.  दरम्यान, या वेळी विधान परिषदेचे नवनिर्वाचित आमदार श्रीकांत भारतीय हे प्रथम पनवेलमध्ये आल्याबद्दल त्यांचा मान्यवरांच्या हस्ते सत्कार करण्यात आला.