पनवेलमध्ये ‘रोटरी’च्या घनदाट जंगल प्रकल्पाचा शानदार प्रारंभ

मान्यवरांच्या हस्ते वृक्षारोपण

पनवेल : रामप्रहर वृत्त
रोटरी क्लब ऑफ पनवेल सेंट्रल आणि पनवेल महापालिका यांच्या संयुक्त विद्यमाने रोटरी घनदाट जंगल प्रकल्प उभारून वनीकरणाला चालना देण्यात येणार आहे. या प्रकल्पाचा प्रारंभ रविवारी (दि. 6) शहरातील लक्ष्मी आय चॅरिटेबल हॉस्पिटलशेजारील नियोजित जागी मान्यवरांच्या उपस्थितीत झाला. या वेळी माजी खासदार लोकनेते रामशेठ ठाकूर, भाजप जिल्हाध्यक्ष आमदार प्रशांत ठाकूर यांच्यासह अन्य मान्यवरांच्या हस्ते वृक्षारोपण करण्यात आले.
या कार्यक्रमास माजी महापौर डॉ. कविता चौतमोल, माजी सभागृह नेते परेश ठाकूर, भाजपचे ज्येष्ठ नेते वाय. टी. देशमुख, तालुका अध्यक्ष अरुणशेठ भगत, ‘रोटरी’चे माजी गर्व्हनर व मार्गदर्शक डॉ. गिरीश गुणे, माजी नगरसेवक विजय चिपळेकर, प्रवीण पाटील, नरेश ठाकूर, तेजस कांडपिळे, अजय बहिरा, माजी नगरसेविका चारुशीला घरत, हेमलता म्हात्रे, विद्या गायकवाड, ज्येष्ठ कार्यकर्ते अजय कांडपिळे, रामदास शेवाळे, अर्चना ठाकूर, सुहासिनी केकाणे, युवा मोर्चा जिल्हाध्यक्ष मयुरेश नेतकर, माजी पं. स. सदस्य भूपेंद्र पाटील, करंजाडेचे माजी सरपंच बळीराम म्हात्रे, सुरेंद्र पाटील, प्रदीप भगत, शिवाजी दुर्गे, गुरूनाथ म्हात्रे, कुणाल घरत यांच्यासह ‘रोटरी’चे प्रांतपाल डॉ. अनिल परमार, डॉ. गुणे मॅडम, रोटरी क्लब ऑफ पनवेल सेंट्रलचे अध्यक्ष लक्ष्मण पाटील, सचिव अनिल ठकेकर, प्रोजेक्ट चेअरमन सुदीप गायकवाड, डॉ. अभय गुरसळे, डॉ. आवटे, वेलणकर, दीपक गडगे, भगवान पाटील, सुनील गाडगीळ, ऋषिकेश बुवा, आतिष थोरात, शैलेश पोटे, सैतावडेकर, वारंगे, प्रीतम कैया, विक्रम कैया, डॉ. मिलिंद घरत, जे. डी. तांडेल, घोडींदे, ऋषिकेश जोशी, डॉ. तुषार जोशी  व इतर सदस्य होते.
या वेळी रोटरी घनदाट जंगल प्रकल्प अंतर्गत दोन हजार रुपये देणगी मूल्य देऊन आपल्या स्वतःच्या नावाने नावाने किंवा आप्तस्वकीयांच्या नावाने स्मृतीप्रित्यर्थ वृक्षारोपण करण्यात आले.
या प्रकल्पासाठी लोकनेते रामशेठ ठाकूर यांनी दहा लाख रुपये, आमदार प्रशांत ठाकूर यांनी आमदार निधीतून 12 लाख रुपये आणि माजी सभागृह नेते परेश ठाकूर यांनी पाच लाख रुपये दिले. याबद्दल रोटरी परिवाराकडून त्यांचे आभार मानण्यात आले.