पेणमध्ये रक्तदान शिबिर

पेण : प्रतिनिधी

शिवजयंतीचे औचित्य साधून येथील सिद्धेश्वर मित्र मंडळाने पेणमधील महात्मा गांधी वाचनालयात रक्तदान शिबिराचे आयोजन केले होते. या शिबिरात एकूण 77 तरुणांनी रक्तदान केले. शिबिराचे उद्घाटन माजी नगरसेवक समीर म्हात्रे, वाचनालयाचे अरविंद वनगे, शिवसंग्राम पक्षाचे तालुका अध्यक्ष आप्पा सत्वे यांच्या उपस्थितीत करण्यात आले. मंडळाचे कार्यकर्ते जयेश म्हात्रे यांनी रक्तदान शिबिराचाउद्देश सांगितला. कामोठे येथील एमजीएम हॉस्पिटलच्या रक्तपेढीने शिबिरात रक्त संकलन केले. हे रक्तदान शिबिर यशस्वी करण्यासाठी सिद्धेश्वर मित्र मंडळाच्या सर्व सदस्यांनी मेहनत घेतली.